Inter has opes, plurimi faciebam quæcunque a Musis nostratibus Latine reddita acciperem, eademque diligenter excerpebam. Etenim experiendo cognovi animum lectoris hoc genus eo libentius adire, quo acrioris ingenii vis in interpretando postulatur; quo plus exigitur calliditatis in electione ac constructione verborum; quo exquisitior patet doctrinæ concinnitas in accommodando linguæ obsoletæ non sua ἰδιώματα. Jam vero veniam dabit Censor criticus, si seriem atque juncturam operis levissimi facetam magis quam legitimam, meorum arbiter, mihi proposuero. Quippe meminerit idem, si Illecebris erat et grata novitate morandus tamen non me fefellisse ita vertere seria ludo, quin in alteram partem libelli omnia sacra per se reverenter essent seposita atque distributa. Utrum feliciter necne conati sumus monachorum hymnos rhythmicos imitari, judicent alii: unum id in hoc loco jure lamentamur, quod ista species carminum, tam casta, tam pulcra, tam plena exercitationis idoneæ, cum in ludis publicis, tum apud Academicos nostros, penitus omissa videatur. Quis autem ignorat quam egregia sit hodie ad versiones sacras opportunitas, seu quis illius Lyræ Apostolicæ' fila solicitet, sive circa dædalos flores, Anni Christiani' fundantur vatum examina? Neque huic prooemio ante siparia tollantur, quam adjutoribus meis, quorum erit omnis laus, si quid suavius aut elegantius in Anthologia nostra eniteat, maximas gratias persolvam. Inque iis præsertim akoλakeuтws agnosco quod ego debeo Francisco Hodgson, Collegii Etonensis Præposito; quod eruditissimo Francisco Wrangham, inter Brigantes Archidiacono: quod Baroni Lyttelton, quantum titulis, tantum ingenio et doctrina nobili; quod denique amicissimo meo Henrico Johanni Hodgson, e collegio SS. Trinitatis socio, et ab ovo usque ad mala strenuo præ omnibus auxiliatori. Superest, ut pacem tuam impetrem, lector benevole, si fortasse quædam mendose, quædam negligentius, inter has nugas, prelo commissa offendas. Cujusvis est hominis errare: quin et noster Vincentius Bourne (cui Romanum fidicinem nunc temporis parem exploravi neminem) ipse aliquoties peccat, et versus incomposito pede currentes patitur. Spero autem te facilius mihi obtemperaturum, si intellexeris, editorem tuum, neque inter silvas Academi, neque propter susurrantes Ilissi ripas, sed in rure reducto, procul ab amicis, procul a libris, procul a doctissimorum colloquio, solum et tacitum et aliquando tristissimum, hos labores suos in lucem protulisse. Tibi vero, Alma Mater 'lepidum novum libellum', qualiscunque sit, dono ac dedico. Tu, pro eo ac meretur, aut abjicies aut-si me amas, amplecteris. Tui gratam memoriam vel absens persequar. Quare fac me diligas, et dignitati meæ suffrageris. Dabam apud GENISTARUM VILLAM. D. XI. Kal. Aprilis. MD. CCC. XLI. Arundinibus Contulerunt. SAMUEL BUTLER, S.T.P. nuper Episcopus Lichfieldensis ...... ....... EDWARD CRAVEN HAWTREY, S.T.P. Scholæ Etonensis HENRY JOSEPH THOMAS DRURY, A.M. Scholæ Har- JOHN HEYRICK MACAULAY, A.M. Scholæ Reptonensis JOHN HERMAN MERIVALE, A.M. JOHN NORBURY e Collegio Etonensi olim Socius...... WILLIAM JAMES LAW, A.M. CHARLES MERIVALE, S.T.B. Collegii D. Johannis JAMES HILDYARD, A.M. Collegii Christi Socius....... GEORGE CURREY, A.M. Collegii D. Johannis Socius... BENJAMIN HEATH DRURY, A.B. e Magistris Scholæ ALEXANDER BERESFORD HOPE, A.B.. HENRY DRURY, A.M.... 1 Gray's Elegy. S. B. J. M. R. P. F. H. F. W. E. C. H. H. J. T. D. B. H. K. J. H. M.1 G. C. H. H. W. J. L. C. M. G. K. J. W. D. A. F. M. W. G. H. H. I. H. B. H. D. |