I kissed her owre and owre again,
And aye she wist na what to say;
I laid her 'tween me and the wa'-

The lassie thought na lang till day.

Upon the morrow, when we rase,

I thanked her for her courtesy ; But aye she blushed, and aye she sighed, And said 'Alas! ye've ruined me.'

I clasped her waist, and kissed her syne, While the tear stood twinkling in her ee; I said, 'My lassie, dinna cry,

For ye aye shall mak the bed to me.'

She took her mither's holland sheets,
And made them a' in sarks to me:
Blithe and merry may she be,

The lass that made the bed to me!

The bonnie lass made the bed to me,
The braw lass made the bed to me;
I'll ne'er forget, till the day I die,
The lass that made the bed to me!

SAE FAR AWA'.

O, SAD and heavy should I part,
But for her sake sae far awa';
Unknowing what my way may thwart,
My native land sae far awa'.
Thou that of a' things Maker art,
That formed this Fair sae far awa',
Gie body strength, then I'll ne'er start
At this my way sae far awa'.

How true is love to pure desert,
So love to her, sae far awa':

And nocht can heal my bosom's smart,
While, oh! she is sae far awa'.
Nane other love, nane other dart,
I feel but hers, sae far awa';
But fairer never touched a heart
Than hers, the Fair sae far awa'.

I'LL AYE CA' IN BY YON TOWN.

I'LL aye ca' in by yon town,

And by yon garden green, again; I'll aye ca' in by yon town,

And see my bonnie Jean again.

There's nane sall ken, there's nane sall guess,
What brings me back the gate again;

But she, my fairest faithfu' lass,

And stowlins we sall meet again.

She'll wander by the aiken tree,
When trystin'-time draws near again;
And when her lovely form I see,
O haith, she's doubly dear again!
I'll aye ca' in by yon town,

And by yon garden green, again;

I'll aye ca' in by yon town,

And see my bonnie Jean again.

LET NOT WOMAN E'ER COMPLAIN.

LET not woman e'er complain

Of inconstancy in love;
Let not woman e'er complain
Fickle man is apt to rove.

Look abroad through Nature's range,--
Nature's mighty law is change:
Ladies, would it not be strange

Man should, then, a monster prove?
Mark the winds, and mark the skies;
Ocean's ebb, and ocean's flow:
Sun and moon but set to rise,
Round and round the seasons go.
Why, then, ask of silly man
To oppose great Nature's plan?
We'll be constant while we can,-
You can be no more, you know.

SAW YE MY PHELY?

O, SAW ye my dear, my Phely?
O, saw ye my dear, my Phely?

She's down i' the grove, she's wi' a new love,
She winna come hame to her Willy.

What says she, my dearest, my Phely?

What says she, my dearest, my Phely?
She lets thee to wot that she has thee forgot,
And for ever disowns thee her Willy.

O, had I ne'er seen thee, my Phely!
O, had I ne'er seen thee, my Phely!

As light as the air, and fause as thou's fair,
Thou's broken the heart o' thy Willy.

ON THE SEAS AND FAR AWAY.
How can my poor heart be glad,
When absent from my sailor lad?
How can I the thought forego,
He's on the seas to meet the foe?

Let me wander, let me rove,
Still my heart is with my love;
Nightly dreams and thoughts by day
Are with him that's far away.

On the seas and far away,

On stormy seas and far away;
Nightly dreams and thoughts by day
Are aye with him that's far away.

When in summer's noon I faint,
As weary flocks around me pant,
Haply in this scorching sun
My sailor's thundering at his gun:
Bullets, spare my only joy!
Bullets, spare my darling boy!
Fate, do with me what you may,
Spare but him that's far away!

At the starless midnight hour,

When winter rules with boundless power;

As the storms the forest tear,

And thunders rend the howling air,
Listening to the doubling roar,
Surging on the rocky shore,
All I can-I weep and pray,
For his weal that's far away.

Peace, thy olive wand extend,
And bid wild War his ravage end;

Man with brother man to meet,

And as a brother kindly greet:

Then may Heaven with prosperous gales

Fill my sailor's welcome sails;

To my arms their charge convey,

My dear lad that's far away.

SHE SAYS SHE LO'ES ME BEST OF A.'

SAE flaxen were her ringlets,

Her eyebrows, of a darker hue,
Bewitchingly o'er-arching

Twa laughing een o' bonnie blue.
Her smiling sae wyling,

Wad make a wretch forget his woe;
What pleasure, what treasure,
Unto these rosy lips to grow!
Such was my Chloris' bonnie face,
When first her bonnie face I saw,
And aye my Chloris' dearest charm,
She says she lo'es me best of a'.

Like harmony her motion;
Her pretty ankle is a spy
Betraying fair proportion,

Wad make a saint forget the sky.
Sae warming, sae charming,

Her faultless form and gracefu' air;
Ilka feature-auld Nature

Declared that she could do no mair:
Hers are the willing chains o' love,
By conquering beauty's sovereign law;
And aye my Chloris' dearest charm,
She says she lo'es me best of a'.

Let others love the city,

And gaudy show at sunny noon;

Gie me the lonely valley,

The dewy eve, and rising moon
Fair beaming, and streaming,

Her silver light the boughs amang;

While falling, recalling,

The am'rous thrush concludes his sa