ALTIOR est reliquis, quæ sella vocatur honoris ;
Acclivis, facili sed superanda jugo.
Hoc solium ascendit, quem tota frequentia poscit.
Præsidis in noctem sustinuisse vices.
Ille ubi composuit sese, clavoque galerum
Suspendit, pœtum fert tubulosque puer.
Implet, et accendit, cubitoque inuixus utroque
In cathedra digne pro gravitate sedet.
Arbiter hinc dicit legesque modumque bibendi,
Quoque propinanda est ordine cuique salus..
His tandem officiis functus, vinoque gravatus,
Nondum deposito nutat hiatque tubo.
Quæ raro coëunt, et in una sede morantur,
En ! ubi majestas, et sit habenda quies!
ORTU humilem, obscurum vita, servumque labore,
Te, Stephane, in lucem rustica Musa vocat.
Principibus placuisse viris tibi contigit Aulæ,
Et minor est fama Lauriger ipse tua.
Cæsareo jussu, certum est tibi pensio munus ;
Te curatorem regius hortus habet.
Regia præterea, si fama est nuntia veri,
Curæ mandatur bibliotheca tuæ.
Nec fastu tamen elata est, vultuve superbo
Fert tua fortunæ prospera musa vices.
Nec mutantur adhuc mores; sed et ille modestus,
Ille verecundus, qui prius, usque manes. ›
In modicis æquus; prudens, moderatus in altis,
Exemplar magnis esto, vel opprobrium.
MUSCA meam volitat circum importuna lucernam,
Alasque amburit jam prope jamque suas.
Sæpe repello manu venientem, et, ineptula musca,
Quæ, te, inquam, impellit tanta libido mori ?
Illa tamen redit, et, quanquam servare laboro,
Instat, et in flammas exitiumque,ruit.
Exiguam tibi nolo animam, quam, projicis, ultra-
Servare et si sis certa perire, peri.
ASPICIS, ut nidum tignis suffigit hirundo,
Camento ut luteo pensile firmat opus !
Aspicis, ut solido durescunt mænia nexu,
Quem neque ventorum vis, neque
Structura incolumis, multos mansura per annos,
Vere eadem reduces excipit hospes aves.
Præstat in exigua, quod non Vanbrughius æquet,
Quod non Gibbesius vincat, hirundo domo,
PULCHRA, nec invitos, vocat ad spectacula cives
Fauxius, egregiæ dexteritatis homo ;
Fallere spectantes quo non solertior alter,
Vel lingnæ insidiis, vel levitate manus.
En vobis (aperitque manum deceptor utramque)
Orbiculum! hei præsto !-fugit, abivitadest.
Est hic, est illic-nusquam est, et ubique-videte,
In mensa-in loculis hujus-in ore tuo.
Tunc peram invertit; fraudemqne exorsus ab ovo
Gallinam profert aligerumque gregem.
Chartula (proh! monstrum!) summi ad laquearia tecti
Subvolat, et formam jussa capessit avis.
Spectator lætus videt hæc miracula rerum,
Et stupet occulti captus amore doli.
Multum habet ingenii, multum delusor et artis
Qui, simul ac aperit se, nihil artis habet.
COLLIGIT et frangit radios in mille colores
Vitrum, quod docti nomine prisma vocant ;
Coccina cæruleis, croceis hyacinthina distant,
Singula per varios attenuata gradus.
Dissimiles umbris sunt umbræ, et linea quævis
Languidior sensim contiguaque minor.
Per sic dispositæ discrimina lucis, in omni
Depictam facie prismatis Irin habet..
LEVIUS FIT PATIENTIA,
QUICQUID CORRIGERE EST NEFAS.
CLAUDITUR: in cavea, laqueo quam prenderit au
Et silet, et fatum lugubre plorat, avis."
Nec placet angustus carcér, quam limite nullo
Aërias nnper juverat ire vias.
|