Statque moræ patiens, humeris nec pondera sentit. Sic ubi Tartareum Regem Rhodopeïus Orpheus Threiciis studuit fidibus mulcere, laboris Immemor, Æolides stupuit modulamina plectri, Nec sensit funesti onera incumbentia saxi. Sæpe interventus rhedæ crepitantis, ab illo Vicorum, aut illo, stipantem hinc inde catervam Dividit ; at rursus coëunt, ubi transiit illa, Ut coëunt rursus, puppis quas dividit, undæ. Canticulæ interea narraverat argumentum Altera Sirenum, infidi perjuria nautæ,
Deceptamque dolo nympham; tum flebile carmen Flebilibus movit numeris, quos altera versu Alterno excepit: patulis stant rictibus omnes : Dextram ille acclinat, lævam ille attentius aurem, Promissum carmen captare paratus hiatu.
Longa referre mora est, animum qua vicerit arte Virgineum juvenis. Jam poscunt undique chartas Protensæ em torum dextræ, quas illa vel illa Distribuit, cantatque simul : neque ferreus iste Est usquam auditor, dulcis cui lene camæna Non adhibet tormentum, et furtivum elicit assem. Stat medios inter baculoque innititur Irus ; Nec tamen hic loculo parcit, sed prodigus æris Emptor adest, solvit pretium, carmenque requirit, Fors juxta adstabat vetula iracundior æquo ;
Quæ loculo ex imo invitum, longumque latentem Depromens vix tandem obolum, Cedo, fœmina, char-
Inquit; ut æternum monumentum in pariete figam, Cum laribus mansurum ipsis, quam credula nymphis Pectora sint; fraudis quam plena, et perfida nautis.
QUI mores hominum improbos, ineptos,
Incidis, nec ineleganter, æri,
Derisor lepidus, sed et severus,
Corrector gravis, at nec invenustus ; Seu pingis meretricios amores, Et scenas miseræ vicesque vitæ ; Ut tentat pretio rudem puellam Corruptrix anus, impudens, obesa ; Ut se vix reprimit libidinosus Scortator, veneri paratus omni :
164 PLUS SCIRE OPORTET, QUAM LOQUI,
Seu describere vis facete censor, Bacchanalia sern protrahentes
Ad confinia crastina diei,
Fractos cum cyathis tubos, matellam Non plenam modo sed su erfluentem, Et fortem validumque combibonem Lætantem super amphora repleta ; Jucundissimus omnium fereris, Nullique artificum secundus, ætas Quos præsens dedit, aut dabit futura. Macte O, eja age, macte sis amicus. Virtuti viliique quod notâris, Pergas pingere, et exhibere coram. Censura utilior tua æquiorque Omni vel satirarum acerbitate,
Omni vel rigidissimo cachinno.
PLUS SCIRE OPORTET, QUAM LOQUI.
QUE gravitas oculis ! et quæ constantia fronti ! Sobrius ut toto pectore bubo sapit! Ales Pythagora dignus, dignusque Minerva ! Sermonis parcus, consiliique tenax!
Oh habitel tecum, bubo, et sit pectore in isto, Quicquid habes: quoties effluet, cmen erit.
ANTE focum nutatque et lumina claudit herilem, Et stupida, et vultu seria, felis anus : Nil ea lascivi saltus meminisse videtur;
Lusus, si spectes, nil juvenilis habet;
Sed grave, sed prudens quamvis, castumque tuetur, Caudam, cum tempus fert, agilare potest.
OCEANUS PREDATOR ET RESTITUTOR
ABLUIT Oceanus terras hinc inde jacentes; Excavat et ripas, subtus edendo, salum. At neque contrahitur tellus subducta rapinis, At neque fit furtis auctior unda suis. Nam parte ex alia desertam extendit arenam Littus, et e mediis insula crescit aquis. Nil prodest lucrum, cui damna æqualia: fines Oceanus mutat, sed superare nequit.
PLUMASQUE, et pilos, et muscum hinc colligit il
Fætibus ut nidum sedula sternat avis : Quos ubi surreptos cavea suspendit arator, Hic quoque captivos provida mater alit. Si muscam, si vermem affert, vel forte cicadam, Totus hiat nidus, conqueriturque famem. Infelix in utroque parens ! labor est peperisse, Et labor est pullos non peperisse sibi.
NULLI USPIAM LIBRORUM INSERTUM CATALOGO.
EXIGUUS liber est, muliebri creber in usu,
Per se qui dici Bibliotheca potest. Copia verborum non est, sed copia rerum ; Copia (quod nemo deneget) utilior.
« 上一頁繼續 » |