How aften didst thou pledge and vow,
Thou wad for ay be mine!

And my fond heart, itsel' sae true,
It ne'er mistrusted thine.

Hard is thy heart. Lord Gregory,
And flinty is thy breast:

Thou dart of Heaven, that flashest by
O wilt thou give me rest?

Ye mustering thunders from above,
Your willing victim see!

But spare, and pardon my fause love,
His wrangs to Heaven and me!

OPEN THE DOOR TO ME, OH!

WITH ALTERATIONS.

Он, open the door, some pity show,

Oh, open the door to me, oh!

Tho' thou hast been false, I'll ever prove true; Oh, open the door to me, oh!

Cauld is the blast upon my pale cheek,
But caulder thy love for me, oh!

The frost that freezes the life at my heart,
Is nought to my pains frae thee, oh!

The wan moon is setting behind the white wave, And time is setting with me, oh!

False friends, false love, farewell! for mair
I'll ne'er trouble them nor thee, oh!

She has open'd the door, she has open'd it wide; She sees his pale corse on the plain, oh!

My true love! she cried, and sank down by his side Never to rise again, oh!

THE ENTREATY.

TUNE "Let me in this ae night."

O LASSIE, art thou sleeping yet?
Or art thou wakin, I would wit?
For Love has bound me hand and foot,
And I would fain be in, jo.

CHORUS.

O let me in this ae night,
This ae, ae, ae night;

For pity's sake, this ae night,
O rise and let me in, jo.

Thou hear'st the winter wind and weet,
Nae star blinks thro' the driving sleet;
Tak pity on my weary feet,

And shield me frae the rain, jo.
O let, &c.

The bitter blast that round me blaws,
Unheeded howls, unheeded fa's;
The cauldness o' thy heart's the cause
Of a' my grief and pain, jo.

O let, &c.

THE ANSWER.

O TELD na me o' wind and rain,
Upbraid na me wi' cauld disdain!
Gae back the gate ye cam again,
I winna let you in, jo.

CHORUS.

I tell you now this ae night,
This ae, ae, ae night;
And ance for a', this ae night,
I winna let you in, jo.

The snelliest blast, at mirkest hours,
That round the pathless wand'rer pours,
Is nocht to what poor she endures
That's trusted faithless man, jo.
I tell, &c.

The sweetest flower that deck'd the mead,

Now trodden like the vilest weed;

Let simple maid the lesson read,

The weird may be her ain, jo.
I tell, &c

The bird that cham'd his summer-day,
Is now the cruel fowler's prey;
Let witless, trusting woman say

How aft her fate's the same, jo.
I tell, &c.

THE FORLORN LOVER.

TUNE "Let me in this ae night."

---

FORLORN, my love, no comfort near,
Far, far from thee, I wander here,
Far, far from thee, the fate severe,
At which I most repine, love.

CHORUS

O wert thou, love, but near me,
But near, near, near me;

How kindly thou wouldst cheer me,
And mingle sighs with mine, love.

Around me scowls a wint'ry sky,
That blasts each bud of hope and joy,
And shelter, shade, nor home have I,
Save in those arms of thine, love.
O wert, &c.

Cold, alter'd Friendship's cruel part, To poison Fortune's ruthless dart Let me not break thy faithful heart, And say that fate is mine, love. O wert, &c.

But dreary tho' the moments fleet
O let me think we yet shall meet
That only ray of solace sweet

Can on thy Chloris shine, love.
O wert, &c.

How long and dreary is the night,
When I am frae my dearie!
I restless lie frae e'en to morn,
Though I were ne'er sae weary.

CHORUS.

For oh, her lanely nights are lang; And oh, her dreams are eerie; And oh, her widow'd heart is sair, That's absent frae her dearie.

When I think on the lightsome days
I spent wi' thee, my dearie;
And now what seas between us roar,
How can I but be eerie ?

For oh, &c.

How slow ye move, ye heavy hours;
The joyless day, how dreary!
It was na sae ye glinted by,

When I was wi' my dearie.
For oh, &c.