'But I will get a bonny boat,

And I will sail the sea,

And I will gang to Lord Gregory
Since he canna come to me.'

Syne she's gar'd build a bonny boat
To sail the salt salt sea;

The sails were o' the gude green silk,
The tows o' taffety.

She hadna sailed but twenty leagues,
But twenty leagues and three,
When she met wi' a rank robber,
And a' his company.

'Now whether are ye the queen hersell, (For so ye well might be,)

Or are ye the lass o' Lochroyan,
Seekin' Lord Gregory?'

'O I am not the queen,' she said,
Nor sic I seem to be,
'But I am Annie of Lochroyan
Seekin' Lord Gregory.'

'O see ye na yon stately tower,

That's covered o'er wi' tin ;

When thou hast sailed it round about,
Lord Gregory is within.'

And when she saw the stately tower
Shining so clear and bright,

That stood aboon the jarring wave
Built on a rock of height;

Says;-Row the boat, my mariners,

And bring me to the land,
For yonder I spy my love's castle,
Close by the salt sea strand.'

She sailed it round, and sailed it round,
And loud loud cried she,

'Now break, now break, ye fairy charms, And set my true love free!'

She's ta'en her young son in her arms,

And to the door she's gane;

And lang she knocked, and sair she ca'd,

But answer got she nane.

For the wind blaws through my yellow hair,

And the rain drops o'er my chin.'

'Awa, awa, ye ill woman,

Ye're no come here for good,

Ye're but some witch, or wild warlock,
Or mermaid o' the flood.'

'I am neither witch, nor wild warlock, Nor mermaid o' the sea,

But I am Annie of Lochroyan;
O open the door to me!'

'Gin thou be the lass o' Lochroyan, (As I trow thou binna she,) Tell me some of the love-tokens, That pass'd between thee and me.'

'O dinna ye mind, Lord Gregory, As we sat at the wine,

We changed the rings from our fingers, And I can show thee thine?

"O yours was gude, and gude enough,
But aye the best was mine;
Yours was o' the gude red gowd,
But mine o' the diamond fine.

'Now open the door, Lord Gregory!
Open the door, I pray!

For thy young son is in my arms,
And will be dead ere day.'

If thou be Annie of Lochroyan, (As I kenna thou be,)

Tell me some mair o' the love-tokens,

That pass'd between me and thee.'

Fair Annie turned her round about:

'And O! if it be sae,

May never a woman that has borne a son

Hae a heart sae fou o' wae!

'Take down, take down, that mast o' gowd!

Set up a mast o' tree!

It disna become a forsaken lady

To sail sae royally!'

When the cock had crawn and the day did dawn,

And the sun began to peep,

Then up and raise him Lord Gregory

And sair sair did he weep.

'OI hae dreamed a dream, mother,
I wish it may prove true!
That the bonny lass o' Lochroyan
Was at the door e'en now.

'OI hae dreamed a dream, mother, The thought o't gars me greet!

That fair Annie o' Lochroyan

Lay cauld dead at my feet.'

'Gin it be for Annie of Lochroyan,
That ye make a' this din,
She stood a' last night at your door,
But I trow she wan na in.'

'O wae betide ye, ill woman!
An ill death may ye die!
That wadna open the door to her,
Nor yet wad waken me!'

O he's gane down to yon shore side
As fast as he can fare;

He saw fair Annie in the boat

But the wind it rocked her sair.

'And hey, Annie, and how, Annie !
O Annie, winna ye bide?'
But aye the mair he cried Annie,
The braider grew the tide.

And hey, Annie, and how, Annie,
Dear Annie, speak to me!'
But aye the louder he cried Annie,
The louder roared the sea.

The wind blew loud, the sea grew rough
And dashed the boat on the shore;
Fair Annie floated through the faem,
But the babie rose no more.

Lord Gregory tore his yellow hair,
And made a heavy moan,
Fair Annie's corse lay at his feet,

Her fair young son was gone.