"O, cocks are crowing a merry mid night,
The wild fowls are boding day;

Give me my faith and troth again,
Let me fare on my way!"

"Thy faith and troth thou shall na get,
Nor our true love shall never twin,
Until ye tell me what comes of women
Who die in strong travailin'."

"Their beds are made in the heavens high,
At the [side] of Our Lord's knee,
Weel set about wi' gillyflowers,

I wot sweet for to see.

"O, cocks are crowing a merry mid night,
The wild fowl are boding day;

The psalms of heaven will soon be sung,
And I will be miss'd away."

Then she has ta'en a crystal wand,

She has stroken her troth thereon,

She has given it him out at the shot window Wi' mony a sigh and groan.

"I thank ye, Margaret! Margaret!
And I thank ye heartily;

Gin ever the dead come for the quick,
Be sure I will come for thee."

It's hosen and shoon and gown alone :
Clomb the wall and followed him
Until she came to the green forest;
There she lost sight of him.

"Is there ony room at your head? Saunders !
Is there ony rocm at your feet?
Or any room at your side? Saunders!
Where fain, fain I would sleep."

"There's nae room at my head, Margaret! There's nae room at my feet;

My bed it is full lowly now,

'Mang the hungry worms I sleep.

"Cauld mould it is my covering now,
But and my winding sheet;

The dew it falls nae sooner down
Than my resting-place is weet."

EARL RICHARD.

"O Lady! rock never your young young son One hour the langer for me :

For I have a sweetheart in Garlioch Wells I love far better than thee.

"The very sole o' that Lady's foot

Than thy face is far mair white."

"But ne'ertheless now, Earl Richard! Ye'll bide in my bower the night!"

She birled him wi' the ale and wine
As they sat down to sup;

A living man he laid him down,
But I wot he ne'er rose up.

Then up and spake the popinjay
That flew abune her heid,-

66 Lady! keep weel your green clothing
Frae gude Earl Richard's bleid!"

"O better I'll keep my green clothing Frae gude Earl Richard's bleid

Than thou canst keep thy clattering tongue That trattles in thy heid."

She has called unto her bower maidens,
She has called them ane by ane:
"There lies a dead man in my bower,-
I wish that he were gane."

They hae booted him and spurred him,

As he was wont to ride;

And hae had him to the wan water,
For a' men call it Clyde.

Then up and spake the popinjay

That sat upon the tree

"What hae ye done wi' Earl Richard? Ye were his gay lady."

"Come down! come down, my bonnie bird! And sit upon my hand!

And thou shalt hae a cage o' gowd

Where thou hast but the wand."

O it fell anes, upon a day,

The king was boun' to ride;

And he has miss'd him, Earl Richard,
Should have ridden on his right side.

The Lady turn'd her round about,
Wi' mickle mournfu' din:

"It fears me sair o' Clyde water,
That he is drown'd therein."

"Gar douk! gar douk!" the king he cried,"Gar douk, for gowd and fee!

O wha'll douk for Earl Richard's sake?
O wha will douk for me?"

They douked in at ae weil-head,

And out aye at the ither;

"We can douk nae mair for Earl Richard
An were he our ain brither."

It fell that in that Lady's [bower]
The king was boun to bed;
And up and spake the popinjay
That flew abune his head:

"Leave off your douking on the day, And douk upon the night!

And wherever that sackless knight lies slain The candles will burn bright."

"O there's a bird within this bower

That sings baith sad and sweet,-
O there's a bird within your bower
Keeps me frae my night's sleep."

They left the douking on the day,
And douked on the night;

And where that sackless knight lay slain
The candles burned bright.

The deepest pot in a' the linn
Earl Richard in they found,
A green turf tied across his breast,
To keep that gude lord down.

Then up and spake the king himsel',
When he saw the deadly wound :
"O wha has slain my right hand man,
That held my hawk and hound?"

Then up and spake the popinjay,-
Says " What needs a' this din?
It was his light leman took his life,
And hided him in the linn."

She swore her by the grass sae green,

Sae did she by the corn,

She hadna seen him, Earl Richard,
Since Moninday at morn.

"Put na the wyte on me!" she said,—
"It was my may Kathrine."

Then they hae cut baith fern and thorn
To burn that maiden in.

It wouldna take upon her cheek,
Nor yet upon her chin,

Nor yet upon her yellow hair,—

To cleanse the deadly sin.

Out they have ta'en her, may Kathrine,
And put [that Lady] in ;

The flame took fast upon her cheek,
Took fast upon her chin,

Took fast upon her fair body;

She burn'd like hollies green.

THE DOUGLAS TRAGEDY.

"Rise up! rise up now, Lord Douglas!" she says,-. “And put on your armour sae bright!

Let it never be said that a daughter o' thine
Was married to a lord under night!

"Rise up! rise up, my seven bold sons!

And put on your armour sae bright;
And take better care o' your youngest sister,
For your elder's awa the last night."

He's mounted her on a milk-white steed,
And himself on a dapple gray,

With a bugelet horn hung down by his side;
And lightly they rade away.